കാൽ നൂറ്റാണ്ടിലേറെ സേവനം പൂർത്തിയാക്കിയ അഞ്ച് വനിതാ ഓഫീസർമാർക്ക് കേണൽ റാങ്കിലേക്ക് സ്ഥാനക്കയറ്റം. 26 വർഷം സേവനം പൂർത്തിയാക്കിയ അഞ്ച് വനിതാ ഉദ്യോഗസ്ഥർക്ക് സ്ഥാനക്കയറ്റം നൽകാനുള്ള ഇന്ത്യൻ സൈന്യത്തിന്റെ സെലക്ഷൻ ബോർഡിന്റെ തീരുമാനം പ്രതിരോധമന്ത്രാലയം അംഗീകരിച്ചു.

കോർ ഓഫ് സിഗ്‌നൽസിൽ നിന്നുള്ള ലെഫ്റ്റനന്റ് കേണൽ സംഗീത സർദാന, ഇഎംഇ കോറിൽ നിന്നുള്ള ലെഫ്റ്റനന്റ് കേണൽ സോമിയ ആനന്ദ്, ലെഫ്റ്റനന്റ് കേണൽ നവനീത് ദുഗൽ, കോർ ഓഫ് എഞ്ചിനിയേഴ്‌സിൽ നിന്നുമുള്ള ലെഫ്റ്റനന്റ് കേണൽ റിനു ഖന്ന, ലെഫ്റ്റനന്റ് കേണൽ റിച്ച സാഗർ എന്നിവർക്കാണ് കേണലായി സ്ഥാനക്കയറ്റം ലഭിച്ചത്.കോർ ഓഫ് സിഗ്‌നൽസ്, കോർ ഓഫ് ഇലക്ട്രോണിക് ആൻഡ് മെക്കാനിക്കൽ എൻജിനിയേഴ്‌സ് (ഇ.എം.ഇ), കോർ ഓഫ് എൻജിനിയേഴ്‌സ് എന്നിവരോടൊപ്പം സേവനമനുഷ്ഠിക്കുന്ന വനിതാ ഉദ്യോഗസ്ഥയ്ക്ക് കേണൽ പദവി നൽകുന്നത് ഇതാദ്യമാണ്.