പന്തീരാങ്കാവ് മാവോയിസ്റ്റ് കേസിലെ ഹർജികൾ  ഇന്ന് സുപ്രീംകോടതി  പരിഗണിക്കും. പ്രതി അലൻ ശുഐബിന്റെ ജാമ്യം റദ്ദാക്കണമെന്ന എൻ ഐ എയുടെ ഹർജിയും  മുഖ്യപ്രതി താഹ ഫസലിന്റെ ജാമ്യാപേക്ഷയുമാണ് പരിഗണിക്കുന്നത്. ജസ്റ്റിസ് യു യു ലളിത് അധ്യക്ഷനായ ബെഞ്ചാണ് വാദം കേൾക്കുന്നത്. വിചാരണക്കോടതി അനുവദിച്ച ജാമ്യം റദ്ദാക്കിയ ഹൈക്കോടതി നടപടിക്കെതിരെയാണ് താഹ ഫസൽ സുപ്രീം കോടതിയെ സമീപിച്ചത്. കൊച്ചിയിലെ പ്രത്യേക എൻ ഐ എ കോടതി അലൻ ശുഐബിന് അനുവദിച്ച ജാമ്യം റദ്ദാക്കാൻ ഹൈക്കോടതി തയാറാകാത്ത സാഹചര്യത്തിലാണ് എൻ ഐ എ.സുപ്രീം കോടതിയെ സമീപിച്ചത്.