ആരോഗ്യമന്ത്രി വീണാ ജോർജ് മെഡിക്കൽ പിജി സംഘടനാ പ്രതിനിധികളുമായി ചർച്ച നടത്തും. ചൊവ്വാഴ്ച വൈകുന്നേരം ഏഴ് മണിക്കാണ് ചർച്ച നടത്തുക. പിജി ഡോക്ടർമാർ തിങ്കളാഴ്ച മുതൽ ആരംഭിക്കുന്ന സമരം പരിഹരിക്കാനാണ് ചർച്ച.

അതേസമയം ഡോക്ടർമാർക്കെതിരായ അതിക്രമങ്ങൾ തടയാൻ കെജിഎംഒഎ നിർദേശങ്ങൾ മുന്നോട്ട് വെച്ചു. എല്ലാ ആരോഗ്യ കേന്ദ്രങ്ങളും പ്രത്യേക സുരക്ഷാ മേഖലയായി പരിഗണിക്കണം. അത്യാഹിത വിഭാഗം ഉള്ള ഇടങ്ങളിൽ പൊലീസ് എയ്ഡ് പോസ്റ്റ് സ്ഥാപിക്കണം.സുരക്ഷാ ക്യാമറ അടക്കം സജ്ജീകരണം കൂട്ടണം. എല്ലാ ആക്രമണ കേസുകളും ഹോസ്പിറ്റൽ പ്രൊട്ടക്ഷൻ ആക്ട് 2012 ന് കീഴിൽ ഉൾപ്പെടുത്തണം. ഡോക്ടർമാർക്ക് എതിരെ പ്രതികൾ നൽകുന്ന എതിർ കേസുകളിൽ എഫ്‌ഐആർ എടുക്കും മുമ്പ് വിദഗ്ധ സമിതി പരിശോധിക്കണമെന്നുമാണ് കെജിഎംഒഎയുടെ നിർദ്ദേശം.