ഏറ്റുമാനൂരിൽ വ്യാപാരി കടയ്‌ക്കുള്ളിൽ തൂങ്ങി മരിച്ചു. പുന്നത്തുറ കറ്റോട് ജങ്‌ഷനിൽ ചായക്കട നടത്തിയിരുന്ന കറ്റോട് കണിയാംകുന്നേൽ കെ.ടി തോമസിനെയാണ് (60) വ്യാഴാഴ്ച വൈകുന്നേരം നാല് മണിയോടെ തൂങ്ങി മരിച്ച നിലയിൽ കണ്ടെത്തിയത്.ലോക്ക്‌ ഡൗണിനെ തുടർന്ന് ഏർപ്പെടുത്തിയ നിയന്ത്രണങ്ങളിൽ വ്യാപാരം കടുത്ത പ്രതിസന്ധിയിലായിരുന്നു. കൂടാതെ 2019-ൽ ഇദ്ദേഹം സഞ്ചരിച്ചിരുന്ന സ്‌കൂട്ടർ ഇടിച്ച് ഒരു സ്‌ത്രീക്ക് പരിക്കേറ്റിരുന്നു. അതിൻറെ കേസ്‌ നടത്തിപ്പുമായി ബന്ധപ്പെട്ട് മനോവിഷത്തിലായിരുന്നു തോമസെന്നും ബന്ധുക്കൾ പറഞ്ഞു.നേരത്തെ ബേക്കറി നടത്തിയിരുന്ന തോമസ്‌ സാമ്പത്തിക പ്രതിസന്ധിയെ തുടർന്ന് അടുത്ത കാലത്ത് ചായക്കട മാത്രമാക്കിയിരുന്നു. ഭാര്യ റീനി: മക്കൾ ജെറി, ജിനു.