പാഠപുസ്തകങ്ങളിലുള്ള പ്രമുഖ വ്യക്തികളുടെ പേരിനൊപ്പമുള്ള ജാതിവാൽ വെട്ടാൻ തമിഴ്‌നാട് സർക്കാർ. ഇനി മുതൽ പുസ്തകങ്ങളിലെ പേരിനൊപ്പം ഇനീഷ്യൽ മാത്രമേയുണ്ടാകുകയുള്ളൂ.ചെറുപ്പം മുതൽ കുട്ടികളിൽ ജാതി ചിന്തയുണ്ടാകാതിരിക്കുകയെന്ന ലക്ഷ്യത്തോടെയാണ് തീരുമാനം നടപ്പിലാക്കുന്നത്. പ്രസിദ്ധീകരണ വകുപ്പിന് ഇത് നടപ്പിലാക്കാനുള്ള നിർദേശം തമിഴ്നാട് മുഖ്യമന്ത്രി എം.കെ സ്റ്റാലിൻ നൽകി. കുട്ടികൾക്ക് മാതൃകയെന്ന നിലയിൽ അവതരിപ്പിച്ചുകൊടുക്കുന്ന വ്യക്തികളുടെ പേരിനൊപ്പം ജാതിവാൽ ചേർത്ത് കണ്ടാൽ കുട്ടികൾ അത് മാതൃകയാക്കുമെന്നതുകൊണ്ടാണ് ഇത്തരമൊരു തീരുമാനം.തമിഴ്നാട്ടിൽ മുൻപ് മുഖ്യമന്ത്രിമാരായിരുന്ന എം.ജി.ആർ, കരുണാനിധി എന്നിവർ സമാനമായ തീരുമാനമെടുത്തിരുന്നു.