കുട്ടികൾ കൂടുതലുള്ള കുടുംബങ്ങൾക്ക് ആനുകൂല്യങ്ങളുമായി കെ.സി.ബി.സി.വിദ്യാഭ്യാസ സ്ഥാപനങ്ങൾ, ആശുപത്രികൾ എന്നിവയുടെ സഹകരണത്തോടെ ക്ഷേമപദ്ധതികൾ നടപ്പിലാക്കാനാണ് കെ.സി.ബി.സിയുടെ നീക്കം. മൂന്നോ അതിൽ കൂടുതലോ കുട്ടികളുള്ള കുടുംബങ്ങങ്ങളുടെ മാമോദിസ ചടങ്ങിന് സമ്മാനം നൽകാനും  ശുപാർശയുണ്ട് 

നേരത്തെ ​ പാലാ രൂപതയും സമാനമായ നിലപാട്​ സ്വീകരിച്ചിരുന്നു. 2000-ത്തിന് ശേഷം വിവാഹിതരായ അഞ്ചു കുട്ടികളിൽ കൂടുതലുള്ള കുടുംബത്തിന് 1500 രൂപ പ്രതിമാസം സാമ്പത്തിക സഹായം നൽകുമെന്നായിരുന്നു രൂപതയുടെ പ്രഖ്യാപനം. ഇതുൾപ്പെടെ ആറ് ആനുകൂല്യങ്ങളടങ്ങുന്ന വിശദമായ സർക്കുലറും രൂപത പുറത്തുവിട്ടിരുന്നു.പിന്നാലെ ക്രിസ്ത്യൻ സമുദായത്തിൻറെ ജനസംഖ്യ വർധനവിന്​ പ്രോത്സാഹനവുമായി സിറോ മലങ്കരസഭ പത്തനംതിട്ട രൂപതയും രംഗത്തെത്തിയിരുന്നു. നാലിലധികം കുട്ടികളുള്ളവർക്ക് പ്രതിമാസം 2000 രൂപ നൽകുമെന്നായിരുന്നു പത്തനംതിട്ട രൂപത പുറത്തിറക്കിയ സർക്കുലറിൽ പറഞ്ഞിരുന്നത്.