സംസ്ഥാനത്തെ പിജി ഡോക്ടർമാരുടെ സൂചന പണിമുടക്ക്  ആരംഭിച്ചു. തിങ്കളാഴ്‌ച രാവിലെ 8 മണിക്കാണ് സമരം ആരംഭിച്ചത്. 12 മണിക്കൂറാണ് പണിമുടക്ക്.അത്യാഹിതം, കൊവിഡ് ചികിത്സകൾ എന്നിവ ഒഴികെയുള്ള സേവനങ്ങൾ ബഹിഷ്കരിച്ചാണ് സമരം. കൊവിഡ് ചികിത്സ താഴെ തട്ടിലേക്ക് വികേന്ദ്രീകരിക്കാത്തതിനാൽ മെഡിക്കൽ കോളജുകളില്‍ പഠനം നടക്കുന്നില്ലെന്ന് ചൂണ്ടിക്കാട്ടിയാണ് സമരം.റിസ്‌ക് അലവൻസ്, വേതനം വർധിപ്പിക്കൽ എന്നീ ആവശ്യവും സമരക്കാർ ഉന്നയിക്കുന്നു. ഉടൻ തീരുമാനമായില്ലെങ്കിൽ കൂടുതൽ ശക്തമായ സമരത്തിലേക്ക് പോകുമെന്നാണ് പിജി ഡോക്ടർമാരുടെ മുന്നറിയിപ്പ്.