ഡോളർ കടത്ത് കേസുമായി ബന്ധപ്പെട്ട് സന്ദീപ് നായരുടെ അറസ്റ്റ് രേഖപ്പെടുത്തി കസ്റ്റംസ്. പൂജപ്പുര ജയിലിൽ എത്തിയാണ് സന്ദീപ് നായരുടെ അറസ്റ്റ് രേഖപ്പെടുത്തിയത്. നയതന്ത്ര ബാഗേജ് വഴിയുള്ള സ്വർണ്ണക്കടത്ത് കേസുമായി ബന്ധപ്പെട്ട് ജയിലിൽ കഴിയുകയാണ് സന്ദീപ്.വിദേശത്തേക്ക് ഡോളർ കടത്തിയ കേസിലെ ആറാം പ്രതിയാണ് സന്ദീപ് നായർ. സ്വപ്ന സുരേഷ്, സരിത്, എം ശിവശങ്കർ അടക്കമുള്ളവരാണ് കേസിലെ കൂട്ടു പ്രതികൾ. 2020 ജൂലായ് 12നാണ് സ്വപ്ന സുരേഷ്, സന്ദീപ് നായർ എന്നിവരെ സ്വർണ്ണക്കടത്ത് കേസുമായി ബന്ധപ്പെട്ട് എൻ ഐ എ അറസ്റ്റ് ചെയ്തത്.