അണ്ടർ സെക്രട്ടറി ഒ ജി ശാലിനിയുടെ ഗുഡ് സർവീസ് എൻട്രി പിൻവലിച്ച നടപടിയിൽ സർക്കാർ ഇടപെടേണ്ടതായുണ്ടെങ്കിൽ ഇടപെടുമെന്ന് റവന്യൂ വകുപ്പ് മന്ത്രി കെ രാജൻ. മരംമുറിയുമായി ബന്ധപ്പെട്ട വിവരങ്ങൾ വിവരാവകാശ നിയമ പ്രകാരം നൽകിയതിനു പിന്നാലെയാണ് ശാലിനിയുടെ ഗുഡ് സർവീസ് എൻട്രി പിൻവലിച്ചത്. ശാലിനിയുടെ പ്രവർത്തനങ്ങൾ തൃപ്തികരമല്ലെന്ന് ആഭ്യന്തര അന്വേഷണത്തിൽ കണ്ടെത്തിയതിനെ തുടർന്നാണ് നടപടി സ്വീകരിച്ചതെന്നാണ് റവന്യൂ വകുപ്പ് അഡീഷണൽ ചീഫ് സെക്രട്ടറി എ ജയതിലക് ഇറക്കിയ ഉത്തരവിൽ വ്യക്തമാക്കിയിട്ടുള്ളത്.

പട്ടയ വിതരണത്തിൽ ശാലിനിയുടെ പ്രവർത്തനങ്ങൾക്കുള്ള അംഗീകാരമായാണ് ഇക്കഴിഞ്ഞ ഏപ്രിലിൽ ഗുഡ് സർവീസ് എൻട്രി നൽകിയത്. മരംമുറി സംബന്ധിച്ച വിവരങ്ങൽ നൽകിയതോടെ ശാലിനി അവധിയിൽ പ്രവേശിച്ചിരുന്നു.