സംസ്ഥാനത്തെ വനം കൊള്ളയുമായി ബന്ധപ്പെട്ട് സമഗ്ര അന്വേഷണം നടത്താൻ ക്രൈംബ്രാഞ്ച് മേധാവി എഡിജിപി എസ് ശ്രീജിത്തിന്റെ നേതൃത്വത്തിൽ ചേർന്ന യോഗത്തിൽ തീരുമാനം .  . മുൻകാലങ്ങളിലെ അനധികൃത മരം മുറിക്കൽ കേസ് അന്വേഷണത്തിൽ വനം വകുപ്പിന് വീഴ്ച പറ്റിയെന്നും ക്രൈംബ്രാഞ്ച് അന്വേഷണ സംഘം ചൂണ്ടിക്കാട്ടി.കഴിഞ്ഞ ദിവസം ഉച്ചയ്ക്ക് ആലുവ പൊലീസ് ക്ലബിൽ വിവിധ വകുപ്പുകൾ കൂടിചേർന്ന യോഗത്തിലാണ് തീരുമാനമായത്. മുട്ടിൽ മരംമുറിക്കലുമായി ബന്ധപ്പെട്ടായിരുന്നു ക്രൈംബ്രാഞ്ച് സംഘത്തിന്റെ രൂപീകരണം. പല കേസുകളിലും കാര്യമായ വീഴ്ച സംഭവിച്ചു. കാട്ടിൽ മരം മുറിക്കാൻ അനുമതി കൊടുത്തതിലും വീഴ്ച സംഭവിച്ചുവെന്നും വിലയിരുത്തൽ. പല വിഭാഗങ്ങളിലും കേസുകൾ കെട്ടികിടക്കുന്നുണ്ട്. കൊച്ചിയിൽ തുടരുന്ന ഫോറസ്റ്റ് ഉദ്യോസ്ഥർക്ക് ഇന്ന് തന്നെ കർശന നിർദേശം നൽകിയേക്കുമെന്നും വിവരം.