വട്ടിയൂര്‍ക്കാവ് ഉപതെരഞ്ഞെടുപ്പില്‍ ഗ്രീന്‍ പ്രോട്ടോക്കോള്‍ കര്‍ശനമായി പാലിക്കേണ്ടത് നിര്‍ബന്ധമാണ് എന്ന് ജില്ലാ കളക്ടര്‍ കെ ഗോപാലകൃഷ്ണന്‍ നിര്‍ദ്ദേശം നല്‍കി. ലാന്റ് റവന്യു കമ്മിഷണറേറ്റില്‍ ഇലക്ഷന്‍ നോഡല്‍ ഓഫീസര്‍മാരുടെയും സെക്റ്ററല്‍ ഓഫീസര്‍മാരുടെയും യോഗത്തില്‍ സംസാരിക്കുകയായിരുന്നു കളക്ടര്‍. തെരഞ്ഞെടുപ്പ് പ്രചാരണത്തിനും പോളിങ് ആവശ്യങ്ങള്‍ക്കും പ്ലാസ്റ്റിക് വസ്തുക്കളുടെ ഉപയോഗം നിയന്ത്രിക്കണം എന്നും അദ്ദേഹം പറഞ്ഞു.പരസ്യ ബോര്‍ഡുകളും മറ്റ് പ്രചാരണ സാമഗ്രികളും പ്രകൃതി സൗഹൃദ വസ്തുക്കള്‍ കൊണ്ടുള്ളതാകണം.പോളിങ് ദിവസം ഭക്ഷണവും വെള്ളവും കൊണ്ടുവരാന്‍ പ്ലാസ്റ്റിക് വസ്തുക്കള്‍ ഉപയോഗിക്കരുതെന്നും മാലിന്യം പരമാവധി ഒഴിവാക്കാന്‍ ശ്രദ്ധിക്കണമെന്നും അദ്ദേഹം പറഞ്ഞു.