മുൻ അഭ്യന്തര വകുപ്പ് മന്ത്രിയും കോട്ടയം എംഎൽഎയുമായ  തിരുവഞ്ചൂർ രാധാകൃഷ്ണനെതിരായ വധഭീഷണിയിൽ പ്രതിഷേധിച്ച്‌  കോൺഗ്രസ് ബ്ലോക്ക് കമ്മിറ്റികളുടെ നേത്വത്തിൽ കോട്ടയം ജില്ലയിൽ ഇന്ന് സായാഹ്ന ധർണ നടത്തും. മുൻ മുഖ്യമന്ത്രി ഉമ്മൻചാണ്ടി അടക്കമുള്ളവർ ധർണ്ണയിൽ പങ്കെടുക്കും.

മുഖ്യമന്ത്രിക്ക് ലഭിച്ച പരാതിയിൽ കോട്ടയം വെസ്റ്റ് പൊലീസ് മൊഴിയെടുത്ത് അന്വേഷണം ആരംഭിച്ചെങ്കിലും പ്രതിഷേധം തുടരാനാണ് കോൺഗ്രസിന്റെ നീക്കം. സംഭവത്തിന് പിന്നിൽ ടി.പി വധക്കേസ് പ്രതികളെന്ന ആരോപണം കോൺഗ്രസ് ശക്തമാക്കിയിട്ടുണ്ട്.

ഭീഷണിക്കത്തിനെ കുറിച്ച്‌ പരാതി നൽകിയ ശേഷം മാധ്യമങ്ങളെ കണ്ട തിരുവഞ്ചൂർ രാധാകൃഷ്ണൻ ടിപി ചന്ദ്രശേഖരൻ വധക്കേസ് പ്രതികളാണ് സംഭവത്തിന് പിന്നിലെന്ന് ആരോപണം ആവർത്തിച്ചിരുന്നു.