ഡൽഹി എയിംസിൽ തീപിടിത്തം. അത്യാഹിത വിഭാഗത്തിൻറെ ഓപ്പറേഷൻ തിയേറ്ററിനോട് ചേർന്നുള്ള മുറിയിൽ തിങ്കാളാഴ്‌ച പുലർച്ചെയാണ് തീപിടിത്തം ഉണ്ടായത്. ആളപായമൊന്നും റിപ്പോർട്ട് ചെയ്തിട്ടില്ല. അഗ്നിശമന സേനയുടെ ഏഴ് വാഹനങ്ങൾ എത്തി തീ നിയന്ത്രണവിധേയമാക്കി. സംഭവസ്ഥലത്തിന് സമീപമുണ്ടായിരുന്ന എല്ലാ രോഗികളെയും ഒഴിപ്പിച്ചതായി ഡെപ്യൂട്ടി പൊലീസ് കമ്മീഷണർ അതുൽ കുമാർ താക്കൂർ പറഞ്ഞു.