സിനിമാ മേഖലയിലെ പ്രതിസന്ധി ചർച്ച ചെയ്യാൻ സർക്കാർ ചലച്ചിത്ര സംഘടനകളുടെ യോഗം വിളിച്ചു. തിരുവനന്തപുരത്ത് നടക്കുന്ന യോഗത്തിൽ സാംസ്‌കാരിക മന്ത്രി സജി ചെറിയാൻ അധ്യക്ഷനാകും.കൊവിഡ് മാനദണ്ഡങ്ങൾ പാലിച്ച് ഷൂട്ടിങ് നടത്താൻ അനുവദിക്കണമെന്നും തിയറ്ററുകൾ തുറക്കാൻ അനുവദിക്കണമെന്നുമാണ് സംഘടനകളുടെ ആവശ്യം. വ്യാഴാഴ്ച ഓൺലൈനായി ചേരുന്ന യോഗത്തിൽ സിനിമാ മേഖലയിലെ പ്രതിസന്ധികളെല്ലാം ചർച്ച ചെയ്യും.ഉദ്യോഗസ്ഥരടക്കം പങ്കെടുക്കുന്ന യോഗത്തിലെ വിവരങ്ങൾ റിപ്പോർട്ടായി സമർപ്പിച്ചുകൊണ്ട് എത്രയും വേഗം തീരുമാനമെടുക്കുമെന്ന് മന്ത്രി സജി ചെറിയാൻ അറിയിച്ചു.