കൊവിഡ് മാനദണ്ഡങ്ങൾ ലംഘിച്ച് മതപഠന ക്ലാസ് സംഘടിപ്പിച്ച മദ്രസാ അധ്യാപകനെതിരെ കേസ്. തളിപ്പറമ്പിലാണ് സംഭവം. എ പി ഇബ്രാഹിമിനെതിരെയാണ് കേസെടുത്തത്.കരിമ്പം സർ സയിദ് കോളേജ് റോഡിലെ ഹിദായത്ത് ഇസ്ലാം മദ്രസയിലാണ് കൊവിഡ് മാനദണ്ഡങ്ങൾ ലംഘിച്ച് മതപഠന ക്ലാസ് സംഘടിപ്പിച്ചത്.പത്തോളം കുട്ടികൾ ക്ലാസിൽ എത്തിയിരുന്നു.തളിപ്പറമ്പ് പൊലീസ് എത്തിയാണ് ക്ലാസുകൾ നിർത്തിച്ചത്. അധ്യാപകനെതിരെ പകർച്ചവ്യാധി നിരോധന നിയമ പ്രകാരമാണ് കേസെടുത്തത്.