ചെലവ് ചുരുക്കലിന്‍റെ ഭാഗമായി വകുപ്പുകള്‍ക്ക് പുതിയ വാഹനം വാങ്ങേണ്ടതില്ലെന്ന സര്‍ക്കാര്‍ തീരുമാനം മറികടന്ന് വിജിലന്‍സ് വകുപ്പിന് 67.26 ലക്ഷം രൂപയുടെ വാഹനം വാങ്ങാന്‍ അനുമതി. 16 പുതിയ വാഹനങ്ങള്‍ വാങ്ങാനാണ് അനുമതി. വിജിലന്‍സ് ആൻഡ് ആന്‍റി കറപ്ഷന്‍ ബ്യൂറോ ഡയറക്ടര്‍ സമര്‍പ്പിച്ച അപേക്ഷ അംഗീകരിച്ചാണ് വാഹനങ്ങള്‍ വാങ്ങാന്‍ സര്‍ക്കാര്‍ അനുമതി നല്‍കിയത്.‍ണ്ട് ടൊയോട്ട ഇന്നോവ ക്രിസ്റ്റ, 4 മഹീന്ദ്ര ബൊലേറോ ബി-6, 10 ഹോണ്ട ഷൈന്‍ ഡിസ്‌ക് ബി.എസ്-6 എന്നീ വാഹനങ്ങള്‍ വാങ്ങുന്നതിനാണ് അനുമതി. വിജിലന്‍സ് ഡയറക്ടര്‍ ഉള്‍പ്പെടെയുള്ള ഉന്നത ഉദ്യോഗസ്ഥര്‍ക്ക് സഞ്ചരിക്കാനാണ് ഇന്നോവ ക്രിസ്റ്റ ഉള്‍പ്പെടെയുള്ള വാഹനങ്ങള്‍ വാങ്ങുന്നതെന്നാണ് സൂചന. ജൂണ്‍ ഏഴിനാണ് വാഹനങ്ങള്‍ വാങ്ങുന്നതിനുള്ള ഉത്തരവിറക്കിയത്.