പാലക്കാട് നെന്മാറയിൽ പത്ത് വർഷത്തോളം യുവതിയെ ഒളിവിൽ പാർപ്പിച്ച സംഭവത്തിൽ വനിതാ കമ്മീഷൻ തെളിവെടുപ്പ് നാളെ. രാവിലെ 10ന് വനിതാ കമ്മീഷൻ അധ്യക്ഷ എം സി ജോസഫൈൻ, കമ്മീഷനംഗം ഷിജി ശിവജി എന്നിവരുടെ നേതൃത്വത്തിലാണ് തെളിവെടുപ്പ് നടക്കുക. ആദ്യം വിത്തനശ്ശേരിയിലെത്തി സജിത, റഹ്മാൻ എന്നിവരെ കമ്മീഷൻ കാണും.

തുടർന്ന് അയിലൂരിലെത്തി മാതാപിതാക്കളെ കാണും. വനിതാ കമ്മിഷൻ ആവശ്യപ്പെട്ടതനുസരച്ച് നെന്മാറ പോലീസ് നാളെ റിപ്പോർട്ട് നൽകും. പോലീസിന്റെ നേതൃത്വത്തിൽ നടത്തിയ പരിശോധനയുടെ വിവരങ്ങൾകൂടി ചേർത്താണ് കമ്മീഷന് റിപ്പോർട്ട് നൽകുക.സംഭവത്തിൽ നെന്മാറ പൊലീസ് റഹ്മാന്റെയും സജിതയുടെയും ഇരുവരുടെയും മാതാപിതാക്കളുടെയും വിശദമായ മൊഴി രേഖപ്പെടുത്തിയിരുന്നു.