മുൻ കേന്ദ്രമന്ത്രിയും കേരള ഗവർണറുമായിരുന്ന ആർ. എൽ ഭാട്ടിയ കോവിഡ് ബാധിച്ച് മരിച്ചു. ഇന്നലെ അർധ രാത്രിയോടെ അമൃത്സറിലെ സ്വകാര്യ ആശുപത്രിയിൽ വച്ചായിരുന്നു മരണം. 100 വയസ്സായിരുന്നു. 2004 – 2008 കാലഘട്ടത്തിൽ കേരളത്തിൻറെ ഗവർണർ ആയിരുന്നു അദ്ദേഹം. 1972 ൽ അമൃത്സറിൽ നിന്ന് മത്സരിച്ചാണ് ഭാട്ടിയ ആദ്യമായി പാർലമെൻറിലെത്തുന്നത്. 1980, 1985, 1992, 1996, 1999 എന്നീ വർഷങ്ങളിലും അദ്ദേഹം പാർലമെൻറംഗമായി തെരഞ്ഞെടുക്കപ്പെട്ടു. 1975-1977 കാലഘട്ടത്തിൽ കോൺഗ്രസ് പാർലമെൻററി പാർട്ടി എക്‌സിക്യൂട്ടീവ് കമ്മിറ്റി അംഗമായിരുന്നു. 1982 മുതൽ 1984 വരെ പഞ്ചാബിലെ കോൺഗ്രസ് പാർട്ടി അധ്യക്ഷൻ ആയിരുന്നു. 1991 ൽ എഐസിസി ജനറൽ സെക്രട്ടറിയായി. മുൻ വിദേശകാര്യമന്ത്രിയായിരുന്നു.