ഒടിടി പ്ലാറ്റ്ഫോമുകളിൽ റിലീസ് ചെയ്യുന്ന വീഡിയോ ഉള്ളടക്കങ്ങൾ പരിശോധിക്കണമെന്ന് സുപ്രീം കോടതി. ആമസോൺ പ്രൈം, നെറ്റ്ഫ്ളിക്സ്, ഹോട്ട്സ്റ്റാർ ഉൾപ്പടെ രാജ്യത്ത് ലഭ്യമായ ഒടിടി സേവനങ്ങളിലെ ഉള്ളടക്കങ്ങളിൽ ആവശ്യമായ പരിശോധനങ്ങൾ നടത്തണമെന്നാണ് കോടതിയുടെ ആവശ്യം.

‘ഇന്റർനെറ്റിലും ഒടിടി പ്ലാറ്റ്ഫോമുകളിലും സിനിമകൾ കാണുന്നത് ഇപ്പോൾ സാധാരണമായിരിക്കുകയാണ്. അതിൽ ചില സ്‌ക്രീനിങ് വേണമെന്ന കാഴ്ചപ്പാടിലാണ് ഞങ്ങൾ. പോണോഗ്രഫി പോലും കാണിക്കുന്നുണ്ട്.’ അശോക് ഭൂഷന്റെ നേതൃത്വത്തിലുള്ള ബെഞ്ച് പറഞ്ഞു.
ഹിന്ദു ദൈവങ്ങളെ മോശമായി ചിത്രീകരിച്ചുവെന്നും, മതവിരോധം പ്രോത്സാഹിപ്പിച്ചുവെന്നും കാണിച്ച് ‘താണ്ഡവ്’ എന്ന വെബ്സീരീസിനെതിരെ നടക്കുന്ന കേസിന്റെ ഭാഗമായി അലബാദ് ഹൈക്കോടതിയുടെ ഒരു ഉത്തരവിനെതിരെ ആമസോൺ പ്രൈം വീഡിയോയുടെ ഇന്ത്യൻ മേധാവി അപർണ പുരോഹിത് നൽകിയ ഹർജിയിൽ വാദം കേൾക്കുകയായിരുന്നു ബെഞ്ച്.