ആലപ്പുഴ ചേർത്തല വയലാറിൽ ആർഎസ്എസ്- എസ്ഡിപിഐ സംഘർഷത്തിൽ കൊല്ലപ്പെട്ട ആർഎസ്എസ് പ്രവർത്തകൻ നന്ദു കൃഷ്ണയുടെ വീട് കേന്ദ്ര മന്ത്രി പ്രഹ്‌ളാദ് ജോഷി ഇന്ന് സന്ദർശിക്കും. അതേസമയം, നന്ദുവിന്റെ കൊലപാതകവുമായി ബന്ധപ്പെട്ട് അറസ്റ്റിലായ എട്ട് പ്രതികളെ കഴിഞ്ഞ ദിവസം കോടതിയിൽ ഹാജരാക്കി. ഇവരെ കോടതി റിമാൻഡ് ചെയ്തു.പ്രതികൾക്കായി പൊലീസ് കസ്റ്റഡി അപേക്ഷ നൽകും. കേസിലെ മറ്റ് പ്രതികൾക്ക് വേണ്ടിയുള്ള പൊലീസ് അന്വേഷണം ഊർജിതമാക്കിയിട്ടുണ്ട്. ചേർത്തല വയലാർ മേഖലകളിൽ സംഘർഷ സാധ്യത കണക്കിലെടുത്ത് 400ൽ അധികം പൊലീസുകാരെയാണ് വിന്യസിച്ചിരിക്കുന്നത്.