പാലാ ഉപതിരഞ്ഞെടുപ്പിന്റെ വോട്ടെടുപ്പ് പുരോഗമിക്കുന്നു. വോട്ടെടുപ്പ് ആദ്യ ആറു മണിക്കൂർ പിന്നിട്ടപ്പോൾ പോളിംഗ് ശതമാനം 50 ആയി. മണ്ഡലത്തിൽ 176 ബൂത്തുകളിലായി 1,79,107 വോട്ടർമാരാണുള്ളത്. എല്ലാ ബൂത്തുകളിലും തിരഞ്ഞെടുപ്പ് കമ്മീഷൻ വി വി പാറ്റ് സൗകര്യം ഒരുക്കിയിട്ടുണ്ട്. 

എൽഡിഎഫ് സ്ഥാനാർത്ഥി മാണി സി കാപ്പൻ ഗവണ്മെന്റ് പോളി ടെക്‌നിക്കിൽ ആദ്യ വോട്ടറായി സമ്മതിദാനാവകാശം വിനിയോഗിച്ചു. യുഡിഎഫ് സ്ഥാനാർഥി ജോസ് ടോം മീനച്ചിൽ പഞ്ചായത്തിലെ കൂവത്തോട് സ്കൂളിലാണ് വോട്ട് രേഖപ്പെടുത്തിയത്. വൈകിട്ട് ആറു മണി വരെയാണ് വോട്ടെടുപ്പ്.