മഹാരാഷ്ട്ര , ഹരിയാന നിയമസഭകളിലെ തിരഞ്ഞെടുപ്പ് തീയതികൾ ഇന്ന് ഉച്ചയോടെ തിരഞ്ഞെടുപ്പ് കമ്മീഷൻ പ്രഖ്യാപിക്കും. ഇന്ന് ഉച്ചക്ക് പന്ത്രണ്ടു മണിക്ക് തിരഞ്ഞെടുപ്പ് കമ്മീഷൻ വാർത്താ സമ്മേളനം വിളിച്ചിട്ടുണ്ട്.

മഹാരാഷ്ട്ര, ഹരിയാന , ജാർഖണ്ഡ് എന്നീ സംസ്ഥാനങ്ങളിലാണ് ഈ വർഷം നിയമസഭാ തിരഞ്ഞെടുപ്പ് നടക്കുക. ജാർഖണ്ഡ് നിയമസഭയുടെ കാലാവധി നവംബറിലാണ് അവസാനിക്കുക. ഇവിടുത്തെ തിരഞ്ഞെടുപ്പ് തീയതി മറ്റൊരു ദിവസം പ്രഖ്യാപിക്കാനാണ് സാധ്യത. 

കേരളത്തിൽ ഉപതിരഞ്ഞെടുപ്പ് നടക്കാനുള്ള അഞ്ച് മണ്ഡലങ്ങളിലെയും തിരഞ്ഞെടുപ്പ് തീയതി ഇന്ന് പ്രഖ്യാപിക്കുമോ എന്ന് വ്യക്തമല്ല.