സംവിധായകൻ കമൽ ചലച്ചിത്ര അക്കാദമി ചെയർമാൻ സ്ഥാനം രാജി വയ്‌ക്കണമെന്ന് പ്രതിപക്ഷ നേതാവ് രമേശ് ചെന്നിത്തല. ചലച്ചിത്ര അക്കാദമി ഒരു സർക്കാർ സ്ഥാപനമാണെന്നും അതിനാൽ ഇവിടെ രാഷ്‌ട്രീയത്തിനതീതമായി പ്രവർത്തിക്കണമെന്നും കമൽ നടത്തിയ പ്രസ്‌താവന പ്രതിഷേധാർഹമാണെന്നും അദ്ദേഹം പറഞ്ഞു. കേരള ചലച്ചിത്ര അക്കാദമി സ്ഥാനത്ത് നിന്ന് സംവിധായകൻ കമൽ രാജി വെക്കണമെന്ന് മൂവ്മെന്റ് ഫോർ ഇൻഡിപെൻഡന്റ് സിനിമയും ആവശ്യപ്പെട്ടു. ഇടതുപക്ഷ അനുഭാവികളെ അക്കാദമിയിൽ സ്ഥിരപ്പെടുത്തണം എന്നുളള കമലിന്റെ കത്ത് പ്രതിപക്ഷ നേതാവ് രമേശ് ചെന്നിത്തല പുറത്ത് വിട്ടതിന് പിന്നാലെയാണ് കമലിനെതിരെ പ്രതിഷേധം ശക്തമാകുന്നത്.