സംസ്ഥാനത്ത് നേതാക്കന്മാരുടെ വാർഡുകളിൽ എതിർ കക്ഷികൾ നേട്ടമുണ്ടാക്കുന്ന കാഴ്ചയാണ് പലയിടങ്ങളിലും കാണാനായത്. പ്രതിപക്ഷ നേതാവ്, മുല്ലപ്പള്ളി രാമചന്ദ്രൻ, വി മുരളീധരൻ എന്നിവരുടെ വാർഡുകളിൽ എതിർ കക്ഷിക്കാരാണ് നേട്ടമുണ്ടാക്കിയത്. രമേശ് ചെന്നിത്തലയുടെ വാർഡിൽ എൽഡിഎഫ് വിജയിച്ചു. കേന്ദ്രമന്ത്രി വി മുരളീധരന്റെ വാർഡായ ഉള്ളൂരിലും എൽഡിഎഫ് വിജയം നേടി.

എൽഡിഎഫ് സ്ഥാനാർഥി ആതിര എൽ എസ് 433 വോട്ടിനാണ് ഉള്ളൂരിൽ ജയിച്ചത്. നിലവിൽ യുഡിഎഫ് ഭരിക്കുന്ന വാർഡ് ആണ് ഉള്ളൂർ. മുല്ലപ്പള്ളി രാമചന്ദ്രന്റെ വാർഡിലും എൽഡിഎഫ് വിജയിച്ചു. അതേസമയം തിരുവനന്തപുരം പൂജപ്പുര വാർഡിൽ ബിജെപി നേതാവ് വി വി രാജേഷ് വിജയിച്ചു.