ബിലീവേഴ്‌സ് ചർച്ചിന്റെ തിരുവല്ലയിലെ സഭാ ആസ്ഥാനത്തും ബിലീവേഴ്‌സ് മെഡിക്കൽ കോളേജ് ആശുപത്രിയിലുമായി ആദായനികുതി വകുപ്പ് തുടരുന്ന റെയ്ഡിൽ നിരോധിതനോട്ട് ഉൾപ്പെടെ 11 കോടി രൂപകൂടി പിടിച്ചെടുത്തതായി റിപ്പോർട്ടുകൾ.വെള്ളിയാഴ്ചരാത്രി നടത്തിയ പരിശോധനയിലാണ് സഭാ ആസ്ഥാനത്ത് നിന്നും കണക്കിൽപ്പെടാത്ത പണം പിടികൂടിയത്. ഇതിൽ രണ്ടുകോടി രൂപയുടെ നിരോധിച്ച നോട്ടുകളും കണ്ടെടുത്തു. എന്നാൽ ഇതുവരെ റെയ്ഡുമായി ബന്ധപ്പെട്ട് സഭ പ്രതികരിച്ചിട്ടില്ല.