സംസ്ഥാന ഹോർട്ടികോർപ്പിന്റെ എം ഡി സഥാനത്തേക്കുള്ള നിയമനം വിവാദമാകുന്നു. വിരമിച്ച ഉദ്യോഗസ്ഥന് എം.ഡി സ്ഥാനം നൽകി പുനർ നിയമനമെന്നാണ് ആക്ഷേപം. സി പി ഐ സർവീസ് സംഘടനാ നേതാവ് സജീവനാണ് സംസ്ഥാന ഹോർട്ടികോർപ്പ് എം.ഡിയായി പുനർ നിയമനം നൽകിയത്. 2018 ൽ കൃഷി വകുപ്പിന്റെ സംഭരണ കേന്ദ്രത്തിൽ മന്ത്രി വി എസ് സുനിൽകുമാർ നടത്തിയ മിന്നൽ പരിശോധനയിൽ ക്രമക്കേട് കണ്ടെത്തിയതിനെ തുടർന്ന് അന്നത്തെ എം ഡി സുരേഷ് കുമാറിനെ  പുറത്താക്കിയിരുന്നു.