ദിവസം മൂന്ന് കപ്പ് ഫില്‍റ്റര്‍ കോഫി കുടിക്കുന്നത് ടൈപ്പ് 2 പ്രമേഹം വരാനുള്ള സാധ്യത കുറയ്ക്കുമെന്ന് പഠനം. ഇന്റേണല്‍ മെഡിസിന്‍ ജേണലില്‍ പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്. സാധാരണ കാപ്പിക്ക് ഈ ഗുണം ഇല്ലെന്നും ഫില്‍റ്റര്‍ കോഫിക്ക് മാത്രമേ പ്രമേഹ സാധ്യത കുറയ്ക്കാന്‍ സാധിക്കുവെന്നും പഠനത്തില്‍ പറയുന്നു. ചാല്‍മേഴ്‌സ് യൂണിവേഴ്‌സിറ്റി ഓഫ് ടെക്‌നോളജിയിലെ ഗവേഷകര്‍ നടത്തിയ പഠനത്തിലാണ് ഈ കണ്ടെത്തല്‍. ദിവസം രണ്ടു മുതല്‍ മൂന്നു വരെ കപ്പ് ഫില്‍റ്റര്‍ കോഫി കുടിക്കുന്നവര്‍ക്ക്, ഒരു കപ്പില്‍ താഴെ മാത്രം ഫില്‍റ്റര്‍ കോഫി കുടിക്കുന്നവരെ അപേക്ഷിച്ച് ടൈപ്പ് 2 പ്രമേഹം വരാനുള്ള സാധ്യത 60 ശതമാനം കുറവാണെന്ന് പഠനത്തില്‍ കണ്ടെത്താനായി.