കേരളീയരുടെ ഭക്ഷണത്തിൽ മുട്ടയ്ക്ക് പ്രാധാന്യമുണ്ട്. വളരെ പോഷകസമൃദ്ധമാണ് മുട്ട. അതോടൊപ്പം തന്നെ അപകടകരവും. പ്രമേഹവും കൊളസ്ട്രോളും ഉള്ളവർ മുട്ടകഴിക്കുന്നത് അപകടമാണ്. മുട്ടയിലെ മഞ്ഞക്കരുവിൽ ധാരാളം കൊളസ്ട്രോൾ അടങ്ങിയിട്ടുണ്ട്. കൊളസ്ട്രോൾ ഉള്ളവർ മുട്ട കഴിക്കുവാൻ ആ​​ഗ്രഹിക്കുന്നുവെങ്കിൽ മുട്ടയുടെ വെള്ള മാത്രം കഴിക്കുക.

ബ്ര‍ട്ടീഷ് ഹാർട്ട് ഫൗണ്ടേഷൻ നടത്തിയ പഠനത്തിൽ ഹൃദയത്തിന് മുട്ട നല്ലതെല്ലെന്ന് തെളിഞ്ഞു. മുട്ടയുടെ മഞ്ഞക്കരുവിനെതന്നെയാണ് ഈ പഠനത്തിലും വില്ലനായി കണ്ടെത്തിയത്. മുട്ടയുടെ മഞ്ഞക്കരു കഴിക്കുന്നവർക്ക് ഹൃദയത്തിന് ഹാനികരമായ എൽ.ഡി. എൽ കൊളസ്ട്രോൾ വർദ്ധിക്കുന്നതായി പഠനത്തിൽ പറയുന്നു. കോഴിമുട്ടയെക്കാൾ അപകടം താറാമുട്ടയാണെന്നും ഈ പഠനത്തിൽ പറയുന്നു. താറാമുട്ടയിൽ കൊഴിമുട്ടയിലുള്ളതിനെക്കാൾ ഇരട്ടി കൊളസ്ട്രോൾ ഉണ്ട്. അർശ്ശസിന് പ്രതിവിധിയായി കേരളത്തിൽ താറാമുട്ട ഉപയോ​ഗിക്കാറുണ്ട്. എന്നാൽ കൊളസ്ട്രോൾ പ്രശ്നമുള്ളവർ താറാമുട്ട കഴിക്കുന്നത് ഹൃദയത്തിന്റെ ആരോ​ഗ്യം കുറയ്ക്കും.

മുട്ടയുടെ മേന്മകൾ‌

നെ​ഗറ്റീവ് ഘടകങ്ങൾ ഒരുപാട് ഉണ്ടെങ്കിലും മുട്ടയുടെ മേന്മകളെ അവ​ഗണിക്കാൻ പാടില്ല. കാൽസ്യം, സോഡിയം, പൊട്ടാസ്യം, ഇരുമ്പ് എന്നിവ മുട്ടയിൽ ധാരാളമായി അടങ്ങിയിട്ടുണ്ട്. എല്ലുകളുടെ ബലത്തിന് ഇത് നല്ലതാണ്. 
കൊളീൻ ആണ് മുട്ടയിൽ അടങ്ങിയിട്ടുള്ള മറ്റൊരു നല്ല ഘടകം. ഞരമ്പുകളുടെ  പ്രവർത്തനത്തിന് ഇത് സഹായിക്കുന്നു.