പുരുഷവന്ധ്യതയും ഹൃദ്രോ​ഗവും അനുദിനം കൂടിവരുന്നു. ഭക്ഷണരീതിയാണ് ഇതിനു പിന്നിലെ വില്ലൻ. താഴെ പറയുന്ന ഭക്ഷണങ്ങൾ ഒഴിവാക്കിയാൽ പുരുഷവന്ധ്യതയെ ഒരു പരിധി വരെ പ്രതിരോധിക്കാൻ സാധിക്കും.‌

സംസ്കരിച്ച ഇറച്ചി

പ്രോസസ് ചെയ്ത ഇറച്ചി അതായത് ബേക്കൻ,സലാമി, ഹോട്ട് ഡോ​ഗ്സ് മുതലായവ പുരുഷന്മാരുടെ ബീജത്തിന്റെ അളവ് കുറയ്ക്കും. മാത്രമല്ല കൊളസ്ട്രോൾ, രക്തസമ്മർദ്ദം എന്നിവയ്ക്ക് കാരണമാകുകയും ചെയ്യം.

പായ്ക്കഡ് സൂപ്പുകൾ

കടയിൽ നിന്നും ലഭിക്കുന്ന പാക്കഡ് സൂപ്പുകളിൽ നിറവും മണവും  വരുത്താൻ വേണ്ടിയുള്ള രാസപദാർത്ഥങ്ങൾ ഉണ്ടാകും. ഈ രാസവസ്തുക്കൾ പുരുഷബീജത്തിന്റെ അളവ് കുറയ്ക്കുകയും ഹൃദയത്തെ പ്രതികൂലമായി ബാധിക്കുകയും ചെയ്യുന്നു. അൾസർ മുതൽ കാൻസർ വരെയുള്ള രോ​ഗങ്ങൾക്ക്   ഇത് കാരണമാകുന്നു. കാനിൽ‌ ലഭിക്കുന്ന സൂപ്പുകളും ഒഴിവാക്കണം.

സാലഡ്, കേക്ക് ഡ്രഡിങ്ങ്

സാലഡിലും കേക്കിലും ഉപയോ​ഗിക്കുന്ന ഡ്രസിങ്ങ്  പ്രമേഹത്തെ ക്ഷണിച്ചുവരുത്തുകയും ബീജത്തിന്റെ എണ്ണവും കുറയ്ക്കുന്നു. ശരീരത്തിലെ ചീത്ത കൊളസ്ട്രോളായ എൽ.ഡി. എല്ലിന്റെ അളവ് വർദ്ധിപ്പിക്കുകയും ഹൃദ്രോ​ഗത്തിന് കാരണമാകുകയും ചെയ്യും.