ഏറെ നേരം ഇരുന്ന് ജോലി ചെയ്യുന്നവരിൽ ഹൃദയ സംബന്ധമായ രോഗങ്ങൾ വരാനുള്ള സാധ്യത കൂടുതലെന്ന് പഠനം. പ്രമേഹം, രക്തസമ്മർദ്ദം, പേശീ തകരാർ, വൃക്കരോഗം, അമിതവണ്ണം, നടുവേദന, അസ്ഥിക്ഷയം തുടങ്ങിയ അസുഖങ്ങൾ വരാനുള്ള സാധ്യതയും ദീർഘ നേരം ഇരുന്നു ജോലി ചെയ്യുന്നവരിൽ കൂടുതലാണെന്ന് പഠനം സൂചിപ്പിക്കുന്നു. 

ഇരുന്നുള്ള ജോലി ചിലപ്പോൾ  മാനസികാരോഗ്യത്തെ വരെ ദോഷകരമായി ബാധിക്കാം. ഓർമ്മക്കുറവ്, വിഷാദം എന്നിവയും ചിലപ്പോൾ സംഭവിക്കാം. മറ്റുള്ളവരെ അപേക്ഷിച്ച് ഇവർക്ക് ആയുസും കുറവായിരിക്കും.ഇരുന്നു ജോലി ചെയ്യുന്നവർ ഓരോ അരമണിക്കൂർ കൂടുമ്പോഴും എഴുന്നേറ്റ് രണ്ടു മിനിട്ട് നടക്കുന്നത് നല്ലതാണ്. ഇത് ശരീരത്തിലെ ഫാറ്റി ആസിഡിന്റെ അളവ് കുറയ്ക്കാൻ സഹായിക്കും. രക്ത ചംക്രമണ വ്യവസ്ഥയേയും നട്ടെല്ലിന്റെ ശേഷിയേയും വരെ ബാധിക്കുന്ന ആരോഗ്യ പ്രശ്‌നങ്ങളും ഇവരിൽ ഉണ്ടാകാനിടയുണ്ടെന്നും പഠനം സൂചിപ്പിക്കുന്നു.