സംസ്ഥാനത്തെ വാണിജ്യ വ്യവസായ സ്ഥാപനങ്ങളും ഫാക്ടറികളും തൊഴിൽ സൗഹൃദമാക്കുന്നതിന്റെ ഭാഗമായി തൊഴിലും നൈപുണ്യവും വകുപ്പ് നൽകുന്ന സർട്ടിഫിക്കറ്റ് ഓഫ് എക്‌സലൻസ് പുരസ്‌കാര വിതരണം ആറിന് കോഴിക്കോട് നടക്കും. തൊഴിൽ മേഖലയിലെ മികച്ച സ്ഥാപനങ്ങളെ കണ്ടെത്തി ആദരിക്കുന്നതിനായി സംസ്ഥാന തൊഴിൽ നയത്തിന്റെ ഭാഗമായാണ് സർട്ടിഫിക്കറ്റ് ഓഫ് എക്‌സലൻസ് പദ്ധതി നടപ്പാക്കുന്നത്.

തൊഴിലിടങ്ങളിലെ വിവിധ തലത്തിലുള്ള പ്രവർത്തനങ്ങളെ നിശ്ചിത മാനദണ്ഡങ്ങളുടെ അടിസ്ഥാനത്തിൽ അപഗ്രഥിച്ചാണ് പ്രവർത്തന മികവിനുള്ള വജ്ര, സുവർണ, രജത സർട്ടിഫിക്കറ്റുകൾ നൽകുന്നത്. ആറിന് രാവിലെ 11ന് കോഴിക്കോട് അരവിന്ദ്‌ഘോഷ് റോഡ് ന്യൂ നളന്ദ ഓഡിറ്റോറിയത്തിൽ നടക്കുന്ന ചടങ്ങിൽ തൊഴിലും നൈപുണ്യവും വകുപ്പ് മന്ത്രി ടി.പി. രാമകൃഷ്ണൻ പുരസ്‌കാരങ്ങൾ വിതരണം ചെയ്യും.

എം.കെ. മുനീർ എം.എൽ.എ. അധ്യക്ഷത വഹിക്കും. എം.കെ. രാഘവൻ എം.പി, മേയർ തോട്ടത്തിൽ രവീന്ദ്രൻ എന്നിവർ മുഖ്യാഥിഥികളായി പങ്കെടുക്കുന്ന പരിപാടിയിൽ ലേബർ കമ്മീഷണർ സി.വി. സജൻ, വിവിധ തൊഴിലാളി സംഘടനാ പ്രതിനിധികൾ, വ്യാപാരി വ്യവസായി മേഖലയിൽനിന്നുള്ള വിവിധ സംഘടനകളുടെ പ്രതിനിധികൾ തുടങ്ങിയവർ പങ്കെടുക്കും