സംസ്ഥാന ദുരന്ത നിവാരണ അതോറിറ്റി, യുനെസ്കോ, ഐഡിയോ സിങ്ക് മീഡിയ സംയുക്തമായി നടത്തിവന്ന കമ്മ്യൂണിറ്റി റേഡിയോ പദ്ധതിയുടെ സമാപന-അവലോകന യോഗം ഇന്ന്  തിരുവനന്തപുരത്ത് വച്ച് നടന്നു. 

കേരളത്തിലെ 12 കമ്മ്യൂണിറ്റി റേഡിയോകളുമായി കഴിഞ്ഞ ഏകദേശം ഒരു വർഷമായി പ്രവർത്തിച്ചു വന്നിരുന്ന പദ്ധതി സമാപിച്ചു. ദുരന്ത ലഘൂകരണത്തിൽ റേഡിയോകൾക്കുള്ള പങ്കു വലുതാണ്. ദുരന്ത പൂർവ- ദുരന്ത- ദുരന്താനന്തര ഘട്ടങ്ങളിൽ റേഡിയോകളുടെ സേവനം അനിവാര്യമാണ്. ഈ മേഖലകളിൽ ഉള്ള വിദഗ്ദ്ധ പരിശീലനം ആണ് ഈ പദ്ധതിയിൽ കൂടെ നടപ്പിലാക്കിയത്. ഓരോ റേഡിയോ സ്റ്റേഷനുകളിലും ദുരന്ത ലഘൂകരണ ആസൂത്രണ രേഖ തയ്യാറാക്കുകയും, ദുരന്ത നിവാരണത്തിലുള്ള പ്രോഗ്രാമുകൾ സംഘടിപ്പിക്കുകയും ചെയ്തു.

സമാപന സമ്മേളനത്തിൽ ഡോ ശേഖർ എൽ കുര്യാക്കോസ്, മെമ്പർ സെക്രട്ടറി കെ എസ് ഡി എം എ  ഹെസിക്കിയേൽ ലാമിനി, യുനെസ്കോ ഉപദേഷ്ടാവ്  എൻ രാമകൃഷ്ണൻ, ഡയറക്ടർ ഐഡിയോ സിങ്ക് മീഡിയ എന്നിവർ സംസാരിച്ചു. വരുന്ന വർഷങ്ങളിലും റേഡിയോകളുമായുള്ള പ്രവർത്തനങ്ങൾ മുന്നോട്ടു കൊണ്ട് പോകാനുള്ള താല്പര്യം ഡോ. കുര്യാക്കോസ് പ്രകടിപ്പിച്ചു