കാസർഗോഡ് വികസന പദ്ധതിയില്‍ ഉള്‍പ്പെടുത്തി 12.5 കോടി രൂപ ചിലവഴിച്ച് പൊതുമരാമത്ത് വകുപ്പ് നിർമ്മിച്ച ആയംകടവ് പാലത്തിന്‍റെ ഉദ്ഘാടനംമുഖ്യമന്ത്രി ശ്രീ പിണറായി വിജയന്‍  നാളെ  ഉച്ചയ്ക്ക് 2 മണിക്ക് നിർവ്വഹിക്കും.

വാവടുക്കം പുഴയ്ക്ക് കുറുകെ ഒരു പാലം എന്നത് ആയംകടവ് നിവാസികളുടെ ചിരകാലാഭിലാഷമായിരുന്നു. പ്രദേശത്തെ ജനങ്ങള്‍ക്ക് പുഴ കടക്കാന്‍ കടത്ത് വള്ളങ്ങളെയാണ് ആശ്രയിച്ചിരുന്നത്. ഈ സാഹചര്യത്തിലാണ് പിണറായി സർക്കാർ ഈ പ്രദേശത്തെ ജനങ്ങളുടെ പാലമെന്ന സ്വപ്നം യാഥാർത്ഥ്യമാക്കി നല്‍കുന്നത്.  
പാലം പുഴയുടെ അടിത്തട്ടില്‍ നിന്നും ഏകദേശം 24 മീറ്ററോളം ഉയരത്തിലാണ് സ്ഥിതി ചെയ്യുന്നത്. പാലത്തിന്‍റെ നിർമ്മാണം പൂർത്തിയായതോടെ കേരളത്തിലെ ഏറ്റവും ഉയരം കൂടിയ പാലമായി ആയംകടവ് പാലം മാറിയിരിക്കുകയാണ്.