സംസ്ഥാന പൊലീസ് ആസ്ഥാനത്തെ എ.ഡി.ജി.പിയും , സൈബര്‍ഡോം നോഡല്‍ ഓഫീസറുമായ മനോജ് എബ്രഹാം ഐ.പി.എസിന് രാജ്യാന്തര പുരസ്‌കാരം. രാജ്യാന്തര തലത്തില്‍ കുട്ടികളുടെ നഗ്ന വീഡിയോകള്‍ പ്രചരിപ്പിക്കുന്നവര്‍ക്കെതിരെ സ്വീകരിച്ച നടപടികള്‍ കണക്കിലെടുത്താണ് അന്തര്‍ദേശീയ പുരസ്‌കാരം  ലഭിച്ചത്  . ഫ്രാന്‍സില്‍ വെച്ച് നടന്ന ഇന്റര്‍പോളിന്റെ രാജ്യാന്തര സമ്മേളനത്തില്‍ വെച്ച്  ഇന്‍ര്‍പോള്‍ സ്‌പെഷ്യലിസ്റ്റ് ഗ്രൂപ്പ് ചെയര്‍ പോള്‍ ഗ്രിഫ്താസാണ് പുരസ്കാരം  നൽകിയത്.  

 കുട്ടികള്‍ക്കെതിരെയുളള കുറ്റകൃത്യങ്ങള്‍ തടയുന്നതില്‍ കേരള പോലീസ് നടത്തിയ മികച്ച പ്രവര്‍ത്തനങ്ങളുടെ വിജയഗാഥയെക്കുറിച്ചുള്ള പ്രബന്ധം മനോജ് എബ്രഹാം സമ്മേളനത്തിൽ അവതരിപ്പിച്ചു.