കേരള നിയമസഭയുടെ സഭാ ടിവി, ഓൺലൈൻ,ലൈവ് സ്ട്രീമിങ് എന്നിവയുടെ ലോഗോ-തീം മ്യൂസിക് പ്രകാശനവും, നിയമസഭാ മാധ്യമ അവാർഡുകളുടെ വിതരണവും 14ന് വൈകിട്ട് നാലിന് നിയമസഭാ സമുച്ചയത്തിലെ ബാങ്ക്വറ്റ് ഹാളിൽ നടക്കുന്ന ചടങ്ങിൽ ഗവർണ്ണർ ആരിഫ് മുഹമ്മദ്ഖാൻ നിർവഹിക്കും.

സ്പീക്കർ പി.ശ്രീരാമകൃഷ്ണൻ അദ്ധ്യക്ഷത വഹിക്കുന്ന ചടങ്ങിൽ മുഖ്യമന്ത്രി പിണറായി വിജയൻ മുഖ്യപ്രഭാഷണം നടത്തും. ഡെപ്യൂട്ടി സ്പീക്കർ വി.ശശി, പ്രതിപക്ഷ നേതാവ് രമേശ് ചെന്നിത്തല, മന്ത്രി എ.കെ.ബാലൻ തുടങ്ങിയവർ സംസാരിക്കും.