ഓഗസ്റ്റ് 4 മുതൽ ഒക്ടോബർ നാലുവരെ നടക്കുന്ന ആറന്മുള വള്ളസദ്യയും പള്ളിയോടങ്ങൾ പങ്കെടുക്കുന്ന തിരുവോണത്തോണി വരവേൽപ്പ് ഉത്രട്ടാതി വള്ളംകളി അഷ്ടമി രോഹിണി വള്ളസദ്യ എന്നിവ കോവിഡ് -19 പശ്ചാത്തലത്തിൽ നടത്തുന്നതിനെപ്പറ്റി തിരുവിതാംകൂർ ദേവസ്വം ബോർഡ് പത്തനംതിട്ട ജില്ലാ ഭരണകൂടം ആറന്മുള എംഎൽഎ എന്നിവരുമായി കൂടിയാലോചിച്ച ശേഷം ഉചിതമായ തീരുമാനമെടുക്കുമെന്ന് പള്ളിയോട സേവാ സംഘം സെക്രട്ടറി പി ആർ രാധാകൃഷ്ണൻ പ്രസിഡൻറ് ബി  കൃഷ്ണകുമാർ കൃഷ്ണവേണി എന്നിവർ  അറിയിച്ചു. ഞായർ വൈകിട്ട് ആറന്മുളയിൽ നടന്ന പള്ളിയോട സേവാ സംഘം എക്സിക്യുട്ടീവ് കമ്മിറ്റി യോഗം  ആചാരപരമായ ചടങ്ങുകൾ നടത്തുന്നതിനെപ്പറ്റി ചർച്ച ചെയ്തു.  2018 ലും 2019 ലും  പ്രളയത്തെ തുടർന്ന് വഴിപാട് വള്ളസദ്യകൾ പകുതിയോളം മാറ്റി വച്ചിരുന്നു.