സഭാതർക്കവുമായി ബന്ധപ്പെട്ട സംഭവത്തിൽ ഓർത്തഡോക്സ് പക്ഷത്തിന് പോലീസ് സംരക്ഷണം നൽകാൻ ഹൈക്കോടതി ഉത്തരവ്. സഭാതർക്കം നിലനിൽക്കുന്ന മുളന്തുരുത്തി സെന്റ് തോമസ് , മുടവൂർ സെൻറ് ജോർജ് എന്നീ പള്ളികളിൽ ഓർത്തഡോക്സ് പക്ഷത്തിന് ആരാധനയ്ക്കുവേണ്ടിയാണ്  പോലീസ് സംരക്ഷണം നൽകാൻ ഹൈക്കോടതി ഉത്തരവിട്ടത്.  ഓർത്തഡോക്സ് പക്ഷം സമർപ്പിച്ച  ഹർജികൾ പരിഗണിച്ചാണ് ജസ്റ്റിസ്  എ മുഹമ്മദ് മുഷ്താഖിന്റെ ഉത്തരവ് . രണ്ട് പള്ളികളും 1934 ലെ ഭരണഘടന പ്രകാരം ഭരിക്കപ്പെടണമെന്നും നിയമാനുസൃത വികാരിമാർക്കാണ് പള്ളിയുടെ ഭരണത്തിന് അവകാശമെന്നും പള്ളി കേസുകൾ പരിഗണിക്കുന്ന ജില്ലാ കോടതി നേരത്തെ ഉത്തരവിട്ടിരുന്നു . ഇതേ തുടർന്നാണ് ഓർത്തോഡോക്സ് പക്ഷം പോലീസ് സംരക്ഷണം തേടി ഹൈക്കോടതിയെ സമീപിച്ചത്.