കോവിഡ് 19 പ്രതിരോധനത്തിന്റെ ഭാഗമായി ശബരിമലയിലും ഗുരുവായൂരിലും നാളെ മുതൽ ഭക്തർക്ക് വിലക്കേർപ്പെടുത്തി.സുരക്ഷ മുൻ നിർത്തിയാണ് തീരുമാനം.

ഈ മാസം 28ന് ആണ് ശബരിമല നടതുറക്കുക.ഉത്സവത്തിന് ആചാരപരമായ ചടങ്ങുകൾ മാത്രമേ ഉണ്ടാവുകയുള്ളു.തീർത്ഥാടകരുടെ  പ്രവേശനം പൂർണ്ണമായി ഒഴിവാക്കും.ഏപ്രിൽ എട്ടിന് പമ്പയിൽ നടക്കുന്ന ആറാട്ടിനും തീർത്ഥാടകരെ പ്രവേശിപ്പിക്കില്ല. അതുപോലെ ഗുരുവായൂരിൽ നാളെ മുതൽ ചോറൂണ്, ഉദയാസ്തമന പൂജ, വിവാഹം എന്നിവ ഉണ്ടാകില്ലെന്നും ദേവസ്വം അധികൃതർ അറിയിച്ചു. 

രാജ്യമാകെ കൊറോണയുടെ ഭീതിയിൽ ഉള്ളപ്പോൾ ഞായറാഴ്ച്ച രാവിലെ 8 മുതൽ രാത്രി 9 വരെ ജനത കർഫ്യുവിന് പ്രധാന മന്ത്രി ആഹ്വാനം ചെയ്‌തു.തുടർന്ന് ഈ മാസം 31 വരെ ആണ് കേരള സർക്കാർ നിയന്ത്രണങ്ങൾ ഏർപെടുത്തിയിട്ടുള്ളത്.