സംസ്ഥാനത്ത് കൊറോണ വൈറസ് പടരുന്ന സാഹചര്യത്തിൽ പറശ്ശിനിക്കടവിൽ ചടങ്ങുകൾ താത്കാലികമായി നിർത്തിവെച്ചു. രോഗത്തെ പ്രതിരോധിക്കുന്നതിന് വേണ്ടി സർക്കാർ ജാഗ്രത നിർദേശം നൽകിയതിന്റെ അടിസ്ഥാനത്തിലാണ് ചടങ്ങുകൾ നിർത്തിവെച്ചത്. പയംകുറ്റി ഒഴികെയുള്ള നിത്യപൂജകളും, കുട്ടികൾക്ക് നൽകി വരുന്ന ചോറൂൺ, നിർമ്മാല്യ വിതരണം, പ്രസാദ ഊട്ട്, താമസ സൗകര്യം എന്നിവയാണ് ഇനിയൊരു അറിയിപ്പ് ഉണ്ടാകുന്നതുവരെ നിർത്തി വെച്ചിട്ടുള്ളത്. ഈ മാസം പൊതുപരിപാടികളും, കൂട്ടംകൂടി ഇടപഴകുന്നതും ഒഴിവാക്കണമെന്ന് സർക്കാറിന്റെ കർശന നിർദേശമുണ്ട്.