ശബരിമല സ്ത്രീ പ്രവേശനത്തെ എതിർത്തുകൊണ്ട് ​ഗായകൻ യേശുദാസ് രം​ഗത്തെത്തി. സുന്ദരികളായ സ്ത്രീകൾ ഭക്തരുടെ മനസ്സിൽ‌ ചാഞ്ചല്യം ഉണ്ടാക്കുമെന്ന് യേശുദാസ് പറഞ്ഞു. ശബരി മലയിലെ സ്ത്രീ പ്രവേശന വിഷയത്തിൽ കോടതി അന്തിമ തീരുമാനമെടുക്കാത്ത സാഹചര്യത്തിലാണ്  യേശുദാസ്  തന്റെ നിലപാട് അറിയിച്ചിരിക്കുന്നത്. മുമ്പ് പല തർക്ക വിഷയങ്ങളിലും യേശുദാസിന്റെ  പ്രസ്താവന വിവാദമായിട്ടുണ്ട്. ​ഗുരുവായൂർ ക്ഷേത്ര പ്രവേശന നിയമത്തിനെതിരെ യേശുദാസ് ആലപിച്ച ​ഗുരുവായൂർ അമ്പല നടയിൽ‌ ഒരു ദിവസം ഞാൻ പോകും എന്ന ​ഗാനം എഴുതിയത് വയലാറാണ്. സം​ഗീതം നൽകിയത് ദേവരാജനും. എന്നാൽ വയലാർ  അന്തരിച്ചപ്പോൾ അദ്ദേഹത്തിന്റെ കുടുംബത്തിന് സംരക്ഷണം നൽകാനുള്ള ധനസമാഹാരണത്തിനായി അന്നത്തെ മുഖ്യമന്ത്രിയായ സി. അച്യു‍‍തമേനോൻ മുന്നിട്ടിറങ്ങിയപ്പോൾ മദ്യപിച്ച് കരൾരോ​ഗം വന്ന് മരിച്ചയാൾക്ക് ഒരു രൂപ പോലും നൽകില്ലെന്ന് യേശുദാസ് പറഞ്ഞതിനെ ചൊല്ലിയുള്ള വിവാദം ഇന്നും അവസാനിച്ചിട്ടില്ല.