തിരുവനന്തപുരം നെയ്യാറ്റിൻകര ചെങ്കലിലെ മഹേശ്വരം ശ്രീ  ശിവ പാർവ്വതി ക്ഷേത്രത്തിൽ നിർമ്മിച്ച ലോകത്തിലെ ഏറ്റവും വലിയ ശിവലിംഗം  ഇന്ന് തീർത്ഥാടകർക്കായി തുറന്ന് കൊടുത്തു. നാടിന്റെ നാനാഭാ​ഗത്തു നിന്നും ഭക്തർ ശിവലിം​ഗ ദർശനത്തിനെത്തി. ശിവമന്ത്രങ്ങളാൽ ഭക്തിസാന്ദ്രമായ അന്തരീക്ഷത്തിലാണ് ലോകത്തിലെ ഏറ്റവും വലിയ ശിവലിം​ഗം ഭക്തർക്കായി തുറന്നു കൊടുത്തത്. ഇതോടെ തിരുവനന്തപുരത്തെ പ്രധാന തീർത്ഥാടനകേന്ദ്രങ്ങളിലൊന്നായി നെയ്യാറ്റിൻകര ചെങ്കലിലുള്ള മഹേശ്വരം ശ്രീ ശിവപാർവതി ക്ഷേത്രം മാറിയിരിക്കുന്നു.