വെളിച്ചം ഇല്ലായിരുന്നെങ്കില്‍ എന്നത് നമുക്ക് സങ്കല്പിക്കാവുന്നതല്ല. കാരണം, പ്രപഞ്ചത്തില്‍ എല്ലാ ഊര്‍ജ്ജത്തിന്റെയും ഉറവിടമാകുന്നു, വെളിച്ചം. വിശ്വാസം ഈ ഊര്‍ജ്ജത്തെ വിളിക്കുന്നത് നന്മയെന്നാണ്. തിന്മയുടെ ഇരുട്ടിനു മീതെ നന്മയുടെ പ്രകാശം നേടിയ ജയമാണ് ദീപാവലി.

രാമായണത്തില്‍, രാവണനിഗ്രഹം കഴിഞ്ഞ് ശ്രീരാമനും ലക്ഷ്മണനും സീതയും ഹനുമാനും അയോധ്യത്തില്‍ മടങ്ങിയെത്തുന്ന ദിവസമാണ് ഇന്ന്. ദ്വാപരയുഗത്തില്‍ മഹാവിഷ്ണുവിന്റെ അവതാരമായ ശ്രീകൃഷ്ണന്‍ നരകാസുരനെ വധിച്ചതും ഇതേ ദിവസം. പാലാഴിമഥനത്തില്‍ ലക്ഷ്മീദേവി പിറന്ന ദിവസം.

കഥയേതിലും ദീപാവലിക്ക് നന്മയുടെ വിജയത്തിന്റെ പ്രകാശമുണ്ട്. ഒപ്പം, പ്രത്യാശയുടെ വെളിച്ചവും! പുതിയ കാലം പുരാണങ്ങളുടേതല്ലെങ്കിലും, സങ്കല്പങ്ങള്‍ക്ക് തെളിച്ചം കുറയുന്നില്ല. എല്ലാ തിന്മകള്‍ക്കും മീതെ വീണ്ടും നന്മയുടെ വെളിച്ചം പരക്കട്ടെ. ദീപാവലി ആശംസകള്‍.