തുലാമാസ പൂജകൾ പൂർത്തിയാക്കി ശബരിമല ക്ഷേത്രനട  അടച്ചു.അത്താഴപൂജയ്ക്ക് ശേഷം രാത്രി 10 ന് ഹരിവരാസനം പാടിയാണ് നട അടച്ചത്.തുലാമാസ പൂജകൾ ആരംഭിച്ച  17 മുതൽ 22 വരെ അയ്യപ്പദർശനത്തിനായി വൻ ഭക്തജന തിരക്കായിരുന്നു. പടിപൂജയും പുഷ്പാഭിഷേകവും നെയ്യഭിഷേകവും കണ്ടു തൊഴാൻ ശരണം വിളികളുമായി അയ്യപ്പഭക്തരുടെ നീണ്ട നിരയുണ്ടായിരുന്നു. ചിത്തിര ആട്ടവിശേഷത്തിനായി ഈ മാസം 26 ന് വൈകുന്നേരം 5 മണിക്ക് ക്ഷേത്ര നട  തുറക്കും.27 ന് രാത്രി 10 ന് ഹരിവരാസനം പാടി നട അടയ്ക്കും.പിന്നെ ഈ വർഷത്തെ മണ്ഡലകാല - മകരവിളക്ക് ഉത്സവത്തിനായി നട  നവംബർ 16ന് തുറക്കും.