ആരാധനാ ക്രമ പരിഷ്‌കരണവുമായി ബന്ധപ്പെട്ട് ഫരീദാബാദ് രൂപതയിൽ വിശ്വാസികൾ പ്രാർത്ഥന ചൊല്ലി പ്രതിഷേധിച്ചു. ഡൽഹി ജന്തർ മന്ദറിലാണ് വിശ്വാസികളുടെ പ്രതിഷേധം. ആർച്ച് ബിഷപ് കുരിയാക്കോസ് ഭരണിക്കുളങ്ങരെയേ തിരിച്ചു വിളിക്കണമെന്നും വിശ്വാസികൾ ആവശ്യപ്പെട്ടു. ഒരു വിഭാഗം വിശ്വാസികളാണ് ഡൽഹിയിലെ ജന്തർ മന്ദറിൽ പ്രതിഷേധിക്കുന്നത്. സിനഡ് തീരുമാനം നടപ്പിലാക്കാത്തതിനെതിരെ പ്രാർത്ഥന ചൊല്ലിയാണ് പ്രതിഷേധം.

അതേസമയം സിറോ മലബാർ സഭയിൽ ഏകീകൃത ബലിയർപ്പണ രീതി നിലവിൽ വന്നു. സഭാ ആസ്ഥാനമായ കാക്കനാട് സെന്റ് തോമസ് മൗണ്ടിൽ മേജർ ആർച്ച് ബിഷപ്പ് കർദിനാൾ മാർ ജോർജ് ആലഞ്ചേരി ഏകീകൃത രീതിയനുസരിച്ച് കുർബാനയർപ്പിച്ചു