കേരളത്തിൽ ക്രൈസ്തവ ദേവാലയങ്ങളിൽ ഞായറാഴ്ച പ്രാർത്ഥനയ്ക്ക് അനുമതിയില്ല. വാരാന്ത്യ ലോക്ക്ഡൗൺ നിലനിൽക്കുന്നതിനാൽ അനുമതി നൽകാനാവില്ലെന്ന് കൊവിഡ് അവലോകന യോഗത്തിൽ സർക്കാർ തീരുമാനിച്ചു.

ആരാധനാലയങ്ങൾ തുറക്കണമെന്ന ആവശ്യം വിവിധ കോണുകളിൽ നിന്ന് ഉയർന്നതോടെ കഴിഞ്ഞ ദിവസം ഇതിന് അനുമതി സർക്കാർ നൽകിയിരുന്നു. എന്നാൽ ശനി, ഞായർ ദിവസങ്ങളിൽ സമ്പൂർണ ലോക്ക്ഡൗൺ നിലനിൽക്കുന്നതിനാൽ പള്ളികളിൽ പ്രവേശനം അനുവദിച്ചിരുന്നില്ല. ഇതിനെ തുടർന്ന് നിയന്ത്രണങ്ങൾ പാലിച്ച് കൊണ്ടുതന്നെ ഞായറാഴ്ച പള്ളികളിൽ പ്രാർത്ഥന നടത്താൻ അനുവദിക്കണമെന്ന് ക്രൈസ്തവ സഭകൾ സർക്കാരിനോട് ആവശ്യപ്പെട്ടിരുന്നു.ഈ ആവശ്യമാണ് സർക്കാർ തള്ളിയത്. ചൊവ്വാഴ്ച നടക്കുന്ന അടുത്ത അവലോകന യോഗത്തിൽ കൂടുതൽ ഇളവുകൾ നൽകുന്ന കാര്യം ആലോചിക്കും.