കർശ്ശന കൊവിഡ് നിയന്ത്രണങ്ങളോടെ ഭക്തർക്ക് ആറ്റുകാൽ പൊങ്കാല ദർശനത്തിന് അനുമതി. വെള്ളിയാഴ്ചയാണ് ആറ്റുകാൽ പൊങ്കാല മഹോത്സവം തുടങ്ങുന്നത്. ഫെബ്രുവരി 27നാണ് പൊങ്കാല. ഇത്തവണ ക്ഷേത്രത്തിലെ പണ്ടാര അടുപ്പിൽ മാത്രമായിരിക്കും ചടങ്ങ്.

കൊവിഡ് സാഹചര്യം കണക്കിലെടുത്ത് ക്ഷേത്രപരിസരത്തോ സമീപത്തെ വഴികളിലോ പൊതുസ്ഥലങ്ങളിലോ പൊങ്കാലയിടാൻ അനുവാദമുണ്ടാകില്ല. എന്നാൽ ഭക്തജനങ്ങൾക്ക് ആവശ്യമെങ്കിൽ വീടുകളിൽ പൊങ്കാലയിടാം എന്ന് അധികൃതർ അറിയിച്ചു.