പിറവം പള്ളിയിൽ ഓർത്തഡോക്‌സ് വിഭാഗം കയറിയാൽ പള്ളി വിശ്വാസികൾ പ്രതികരിക്കുമെന്ന് യാക്കോബായ സഭ. ഇത്തരം കാര്യങ്ങളിൽ നിന്ന് ഓർത്തഡോക്‌സ് വിഭാഗം സ്വയം പിന്മാറണമെന്ന് യാക്കോബായ സഭ ആവശ്യപ്പെട്ടു.

ഓർത്തഡോക്‌സ് വിഭാഗം നൽകിയ പരാതിയിൽ കഴിഞ്ഞ ദിവസം പള്ളിയിൽ പ്രവേശിക്കാൻ പോലീസ് സുരക്ഷ ഒരുക്കണമെന്ന് ഹൈക്കോടതി നിർദേശിച്ചിരുന്നു. ഇതിനു പിന്നാലെയാണ് യാക്കോബായ സഭയുടെ പ്രതികരണം പുറത്ത് വന്നത്.   

യാക്കോബായ സഭ അധ്യക്ഷൻ ബസേലിയോസ് തോമസ് പ്രഥമൻ ബാവയും, മെത്രാപ്പോലിത്തമാരും, വൈദികരും, സഭ ഭാരവാഹികളും സെപ്റ്റംബർ 24ന് മറൈൻ ഡ്രൈവിൽ ഉപവാസ സമരം നടത്തും. യാക്കോബായ സഭയ്ക്കെതിരെ നടക്കുന്ന നീതി നിഷേധത്തിലും, ഓർത്തഡോക്സ് വിഭാഗം അവലംബിക്കുന്ന  മനുഷ്യത്വരഹിതമായ നടപടികളിലും പ്രതിഷേധിച്ചാണ് ഉപവാസ സമരം സംഘടിപ്പിക്കുന്നത്.