ശബരിമല ദർശനത്തിന് ജനുവരി എട്ടു മുതൽ 18 വരെയുള്ള ദിവസങ്ങളിലേക്കുള്ള ഓൺലൈൻ ബുക്കിംഗ് ഇന്ന് വൈകുന്നേരം ആറിന് ആരംഭിക്കും. അധികമായി പ്രവേശനം അനുവദിച്ച ക്വാട്ടയിലേക്കുള്ള ബുക്കിംഗ് ആണ് ഇന്ന് ആരംഭിക്കുന്നത്. https://sabarimalaonline.org എന്ന വെബ്‌സൈറ്റിൽ ഭക്തർക്ക് ദർശനം ബുക്ക് ചെയ്യാം.

ദർശനത്തിനെത്തുന്ന അയ്യപ്പഭക്തർക്ക് കൊവിഡ് ആർടിപിസിആർ/ആർടി ലാമ്പ്/ എക്‌സ്പ്രസ് നാറ്റ് നെഗറ്റീവ് സർട്ടിഫിക്കറ്റ് നിർബന്ധമാണ്. 48 മണിക്കൂർ ആണ് സർട്ടിഫിക്കറ്റിന്റെ കാലാവധി. കൊവിഡ് പരിശോധനാ നെഗറ്റീവ് സർട്ടിഫിക്കറ്റ് ഇല്ലാത്ത ഭക്തരെ ശബരിമലയിലേക്ക് കടത്തിവിടുകയില്ല.