തിരുവനന്തപുരം ആറ്റിങ്ങലിൽ കോവിഡ് നിരീക്ഷണത്തിലിരുന്നയാൾ തീകൊളുത്തി മരിച്ചു. ആറ്റിങ്ങൽ മണമ്പൂർ സ്വദേശി സുനിൽ ആണ് മരിച്ചത്. ആറ്റിങ്ങലിൽ വിളയിൽ മൂല പ്രദേശത്ത് വെച്ച് ഇന്ന് വൈകുന്നേരത്തോടെയാണ് ഇയാൾ ആത്മഹത്യ ചെയ്തത്. കുടുംബപ്രശ്‌നങ്ങൾ മൂലമാണ് ഇയാൾ ആത്മഹത്യ ചെയ്തതെന്നാണ്പ്രാഥമിക നിഗമനം.വന്ദേ ഭാരത് മിഷന്റെ ഭാഗമായുള്ള പ്രത്യേക വിമാനത്തിൽ ദുബായിൽ നിന്നും നാട്ടിലെത്തിയ ഇയാൾ കോവിഡ് നിരീക്ഷണത്തിൽ കഴിഞ്ഞുവരികയായിരുന്നു. മാസങ്ങൾക്ക് മുൻപ് ഇയാൾ വിവാഹമോചിതനായിരുന്നു. ഇതിനെത്തുടർന്നുണ്ടായ മാനസിക സംഘർഷമാകാം ഇയാളെ ആത്മഹത്യയിലേക്ക് നയിച്ചതെന്നാണ് പോലീസ് സംശയിക്കുന്നത്. നിരീക്ഷണത്തിൽ കഴിഞ്ഞിരുന്ന ഇയാൾ തനിയെ പെട്രോളുമായി ഭാര്യവീടിന് സമീപമെത്തിയാണ് ആത്മഹത്യ ചെയ്തത്. സംഭവത്തിൽ പോലീസ് കൂടുതൽ അന്വേഷണങ്ങൾ നടത്തിവരികയാണ്.