തിരുവനന്തപുരം മെഡിക്കൽ കോളേജ് ഹോസ്റ്റൽ അടിച്ചു തകർക്കുകയും, മാരകായുധങ്ങളുമായി  അന്തേവാസികളെ ആക്രമിക്കുകയും ,നഗ്നതാപ്രദർശനം നടത്തുകയും ചെയ്ത കേസിൽ മുൻ കോളേജ് യൂണിയൻ ചെയർമാൻ അടക്കം മൂന്ന് ഡോക്ടർമാരെ അറസ്റ്റ് ചെയ്തു.ഡോ പവിൻ പയസ്, ഡോ.നിതിൻ ജോർജ്, വിപിൻ.വി.പിള്ള എന്നിവരാണ് അറസ്റ്റിലായത്.പത്തൊൻപതിന് അർദ്ധരാത്രിയോടെ ഹോസ്റ്റലിൽ മദ്യപിച്ച്  അതിക്രമിച്ച് കയറിയ പൂർവ്വ വിദ്യാർത്ഥികളായ മൂവരും ആക്രമണത്തിന് ശേഷം കൊല്ലം ജില്ലയിൽ ഒളിവിൽ കഴിയുകയായിരുന്നു  ഇവരെ മെഡിക്കൽ കോളേജ് പോലീസ് ഒളിസങ്കേതത്തിൽ നിന്ന് അറസ്റ്റ് ചെയ്തു.